قال وائل عبد العزيز، شقيق الفنانة ياسمين عبد العزيز، إن شقيقته بصحة جيدة وحالتها مستقرة، وهى الآن في فترة التعافي وتحتاج لبعض الوقت حتى تعود كما كانت، وهي أفضل بكثير عما كانت عليه في السابق.
وأضاف، خلال مداخلة مع الإعلامي عمرو أديب ببرنامج “الحكاية”: “أقول للناس اطمئنوا ياسمين بخير، وإن شاء الله تعود لبيتها عن قريب، مقدرش أحدد هترجع أمتى، لكن هي هترجع لما تبقى تمام ونفسيتها كويسة”.
وأضاف: “لسة قافل معاهم إمبارح هي وأحمد وهما بخير وكويسين، هي فاصلة شوية عن الأخبار، وهي محتاجة لحاجة زي كدة، والفترة دي كانت صعبة في الحصول على الفيزا، لكن أحمد قدر يحصل عليها ويسافر لياسمين”.
وكان النجم أحمد العوضى نفى الأنباء التى ترددت فى الآونة الأخيرة حول انفصاله عن زوجته الفنانة ياسمين عبد العزيز، ووصف هذا الكلام بأنه “هبد” ولا أساس له من الصحة وأنها ما زالت زوجته ولم يحدث أى انفصال بينهما.
وقال العوضى، ردا على كاتب منشور انفصاله عن ياسمين وتم تداوله بكثافة على منصات السوشيال ميديا: “والنبى بطل هبد الله يرضى عليك، الحكاية مش ناقصة هبد”، مضيفا: “اللى قالك ضحك عليك وياسمين لسه مراتى، ومفيش ربع كلمة صح من اللى انت قولته واللى انت بتقوله مش صح، متحطش السم فى العسل، وعشان مظلمكش.. أو اللى قالك ضحك عليك، فلو اتقالك فابقى اتأكد من الكلام بعد كدة”.
source https://el-yom.com/%d8%b4%d9%82%d9%8a%d9%82-%d9%8a%d8%a7%d8%b3%d9%85%d9%8a%d9%86-%d8%b9%d8%a8%d8%af-%d8%a7%d9%84%d8%b9%d8%b2%d9%8a%d8%b2-%d8%aa%d8%ad%d8%aa%d8%a7%d8%ac-%d8%a8%d8%b9%d8%b6-%d8%a7%d9%84%d9%88%d9%82%d8%aa/
إرسال تعليق